Timmissat siannginnerini erisarlugillu salinneqassapput, niaqua qungasianiit peerlugu (ilaasa niaqua atatiinnartarpaat isaali oqaalu sigguisalu nuui kipillugit) taratsunillu tanillugit. Puulukiminernik kapillattaarlugit orsersorneqarsinnaapput. Timmissat mikisut puulukiminermik qatiisigut nimerlugit allunaasamillu siatsissummik qilerlugit naammattarpoq.

Igaffimmi makku pigissavatit: Piskefløde, bacon/tunnoq/puulukip orsua (puulukimerngit), taratsut, qasilitsut immaqalu uanitsut aamma viinni/immiaaraq/bouillon.

Timmissanik igakkut siatsineq: Igami naammattumik punneq kajortiguk, kissarnera sakkukillillugu timmiaq ikiuk. Timmiaq kajortereerpat fløde ilanngunneqassaaq. Siannerani timmiaq siatsisip qajuanik kuillattaarneqassaaq. Timmissap issera naammanngippat allamik qajulerneqarsinnaavoq.

Iga matullugu minutsini tullerni 45-60-ini siarusaarneqassaaq. Misilillugu meqqua nusussavat katappallu timmiaq qalassimassaaq.

Kajortinnera: Minutsit 10-15-it.
Siarusaarnera: Aqisseq, taateraaq, appa aamma miteq: nal. ak. ataatsip missaani.

Iffiorfikkut siatsineq: Timmissat nujuartat amerlanerit iffiorfikkut siakkusuttanngilaat panertoornissaat pissutigalugu. Siatsiseqaruilli matulimmik iffiorfikkut siatsisissiamik timmiaq igami kajorteriarlugu tassuuna siassinnaavat igakkut siatsineq maliinnarlugu, maannali siatsivimmi matulimmi iffiorfikkut 200-nik kissassusilikkut.

3 Comments

Leave a Reply