Nipputsitsinanngitsumik qalligaq

  • Nipputsitsinanngitsumik qallikkamik siatsiviuteqaruit, siatsininni makkariina/siatsissut annikinnerusoq atorsinnaavat – taamaalillutit aamma kalooriat annikillissapput.
  • Siatsivik nipputsitsinanngitsumik qalligaq akunnattumik kissassusilimmik kissatsissavat. Taamaalilluni siatsiviup nipputsitsinanngitsumik qalliutaa innarlerneqassanngilaq. Kissarpallaamik siatsiguit, siatatit nippussinnaapput.

Uuliami siatsineq

  • Uulia sunaluunniit siatsissutigisinnaavat.
  • Uuliat kinertuunngitsumik orsutaqarluarnermikkut siatsivimmi nippunneq ajoramik, siatsissutigissallugit naleqqupput.
  • EQQAAMALLUGU: uulia siatsissutiginiarukku, kogeplade akunnattumik kissassusilerlugu siatsivik kissatsinneqassammat.
  • Uulia qaqugukkut kissassusissamisut kissannersoq takujuminaassinnaasarpoq. Uulia pujuualaaleruni kissappallaarsimassaaq.
  • Kissassusaa paasiniarlugu iipilimineq uanitsuminerluunniit ikisinnaavat – seeriguni siatsivigissallugu piareersimassaaq. 
  • Siatsivik kissappat, siatassat ikissavat.

Makkariinami siatsineq

  • Makkariinami siatsiniaruit, siatsivik kissannagu siatsivik makkariinalissavat.
  • Siatsivik akunnattumik kissassusilimmik kissatsissavat.
  • Makkariina qaamasumik kajortippat siatsivigissallugu piariissaaq, siatassallu ikisinnaanngussavat.

Siatsiviit nipputsitsinanngitsumik qalligaanatik nalinginnaasut

  • Siatsivik siatsissutilertuaannassavat.
  • Siatsivik kissatseqqaaruk.
  • Siatsissutissat akunnattumik kissassusilimmi aatseqqaartaruk.
  • Makkariina qappiorunnaarpat siatassat ikisinnaanngussavat.
  • Siatavit kajortinnissaata tungaanut siaguk. Kajortippat mumissinnaanngussavat.
  • Siatat qaqitsinnagu illua-tungaa aamma kajortissimassaaq.