Sooq qungorlit peqqinnartuuppat?
Qungorlit pitsaaqutigaat fibererpassuarnik akoqaramik, tamakkulu qaarsilaarnermik misigititsisarput. Aammali qaarsilaarnerinnaanngitsumik iluaqutissaqarput. Qungorlit C-vitamiininik akulerujussuupput, tamassumalu timi akiuussutissaqarluartilertarpaa. Naasullu akuinik ilaqarput kræftimut pinaveersaataasunik.
Qanoq atsigisumik qungulertortassaagut?
Qungorlit ”naatitat”nut ilaapput, ajornanngippallu ullormut 300 gramminik naatitartortassaagut. Aamma amerlanerusinnaapput, kisianni ikinnerutinnaveersaarlugit.
Qungorlip susunneqarpiannginnerata sorpassuarnut akuusinnaalersippaa – s.i. aggorluarlugu iffiat qallersuutaannut nakkalataarutitut, igaanut akulerullugu, neqinut saniatigooralugu imaluunniit kartoffelmosemut qalliullugu.
Aamma qungulikullammik kilitseriarlutit taqussannut ilanngussinnaavat.
