Sooruna naatitartorluni qaqqortariartorlunilu peqqinnarpa?

Naatitat qaqqortarissallu nerisassat pitsaanerpaat ilagivaat. Naatitat vitamiininik, mineralinik, antioxidantinik kostfiberinillu akulerujussuupput timivit nappaatinut illersuutigisinnaasaanik. Qaqqortarissat inuussutissanik proteininik orsullu arlaannik naammatsitsisimanngitsunik peqqinnartunik akoqarput.
Naatitat kolesterolip kisitsisai aavillu naqitsinera appasitsittarpaat. Aap sukkua aalajaallisittarpaat. Taavalu timi akiuussutissaqarnerulersillugu. Qaqqortarissat uummatip taqarsuisigut nappaatit ingalassimatittarpaat.
Naatitat qaqqortarissallu tassaapput pinngortitap tamulugassaatai perliliummernermi tungusunnitsunut taartissat pitsaasut. Taamaalillutit oqimaassutsit appasitsissinnaavat. Aamma naatitat nerisassannut tunguarnisaatigisinnaavatit sioraasanut taarsiullugit. Assersuutigalugu kinertunut yoghurtimulluunniit qalliullugit.

Qanoq atsigisumik naatitartorlungalu qaqqortariartussaanga?

Unnersuutigineqarpoq ullormut 600 gramminik naatitartortassasugut. Taakkualu affaat naatitaasinnaapput soorlu iipilit marluk, bananit vindrualluunniit. Aamma ananassiusinnaapput qillertuusarmiut imaluunniit naatitat allat qerisut. Peqqinnarnerimi tassaajuarput qanorluunniit itsillugit nerigaluarukkit.
Unnersuutilli amerlassusii qaangernaveersaakkit. Naatitat peqqinnaraluarlutik sukkumik akoqarput, ingasaallugu peqqinnanngitsumik. Taamatuttaaq qaqqortarissat ipput, tassami orsuat maammatsisimanngitsoq peqqinnaraluartoq suli orsuuvoq, taamaattumillu ingasaannaveersaagassaalluni.

Assersuutit:

Banan ataaseq itummannullu qaqqortarissat ilulii mandilit ualikkut
Ullaakkut issingigassat qalatat kigutaarnanik iipilimillu aggukkamik qallerlugit
Ananas salatitugassannut akuliullugu qaqqortarissanillu nakkalataarlugu
Skåli naatitanik aggukkanik imalik flødeskummilerlugu qaqqortarissat iluliinik aserortikkanik qallerlugu kaagimut taarsiullugu.

Ilitsersuummik misiliigit

Naatitanik qaqqortarissanillu akulinnut ilitsersuutit