Mattak, arferit amia orsortalik, qanganiilli Kalaallit Nunaanni mamarilluagaavoq. Ullumikkut suli aamma taamaappoq. Uutaanngitsutut akuugaanngitsutullu nerissallugu mamarineqarluarpoq, kisiannili aamma sassaalliutiginnginnerani mikisunngorlugu aggoriarlugu, seqummarluttunik taratserlugu, naasunik Kalaallit Nunaanneersunik akuutissanik akusanik nakkalaartiffigineqartarpoq. Ullutsinni aamma sojamik akuneqartarpoq, ilimanarluni sushimik kulturiimik Kalaallit Nunaanni aamma nerineqartartunut isumassarsiarineqarsimassasoq.

Mattak kalaallit tamulugaataanik peqqinnartumik taaneqartarpoq. Annertuumik C-vitamiineqarpoq aammalu kinertuunngitsunik orsoqarluni.